கருத்தடை, திட்டமிடப்படாத கர்ப்பத்தை எதிர்கொள்ளும் முறைகள் அல்லது பாலியல் சுகாதாரம் பற்றிய தகவல்களை நீங்கள் தேடுகின்றீர்களா?

நாம் யார்

நாம் விக்டோரியாவில் அமைந்துள்ள ஒரு சுயாதீனமான தொலைபேசி இணைப்பு மற்றும் இணையத்தளம் ஆகும். எமது இலவசசேவையானது, அந்தரங்கமானதும்  அபிப்பிராயம் கொள்வதைத் தவிர்ப்பதுமாகும். கர்ப்பத்தைத் தொடர்வதா கருக்கலைப்பு செய்வதா எனத்தீர்மானிக்கும் உரிமை பெண்களுக்கு உள்ளது என நாமும் நம்புகிறோம்.

எமக்குவரும் அனைத்துத் தொலைப்பேசி அழைப்புகளையும் பெண்களே ஏற்கின்றார்கள். அத்துடன், எம்முடைய அனைத்து மொழிபெயர்ப்பாளார்களும் பெண்களே ஆவர். மேலும், நீங்கள் விரும்பிக்கேட்டால் எங்களால் முடிந்தவரை பெண் மருத்துவர்களை உங்களுக்காகத் தேடித்தருவோம்.

நாம் வழங்குவது:

• கருத்தடை, கருத்தரிப்பதற்கான வழிகள் (கருக்கலைப்பு உட்பட) மற்றும் பாலியல் சுகாதாரம் பற்றிய தகவல்கள்
• நீங்கள் செல்லக்கூடிய சேவைகள் பற்றிய தகவல்கள்

நாம் மருத்துவ, சட்ட அல்லது நிதி அறிவுரை அல்லது ஆலோசனை வழங்குவதில்லை.

எப்படி எம்மால் உதவ முடியும்

உங்கள் இனப்பெருக்க மற்றும் பாலியல் சுகாதாரத் தேவைகள் மற்றும் உங்களுக்குப் பொருத்தமான சேவைகளைக் கண்டுபிடிப்பது பற்றி எமது தொலைபேசிப் பணியாளர்கள் உங்களுடன் பேசமுடியும்.
எம்மிடம் பொதுவாகக் கேட்கப்படும் கேள்விகளில் உள்ளடக்குவன:

• எங்கே நான் கருக்கலைப்பு செய்ய முடியும்?
• எங்கே நான் ஒரு IUDயைப் பெற முடியும்?
• எனக்கு அருகில் ஒரு பாலியல் சுகாதார சிகிச்சையகம் உள்ளதா?

விக்டோரியாவில் உள்ள பாலியல் மற்றும் இனப்பெருக்க சுகாதார சேவைகள் பற்றிய தகவல்களை உள்ளடக்கிய மற்றும் எமது இணைத்தளத்தின் ஊடாக நீங்கள் தகவல்களைத் தேடக்கூடிய நிகழ்நிலைத் தகவல்தளமும் (online database) எம்மிடம் உள்ளது

எமது நிபுணத்துவம்

நாம் விக்டோரியா எங்கும் நூற்றுக்கணக்கான சேவைகளுடன் கூட்டாக வேலை செய்கின்றோம் (பொது மருத்துவர்கள் (GPs), சமூக சுகாதார மையங்கள், மருத்துவமனைகள் மற்றும் மருந்தகங்கள் உள்ளடங்கலாக) – உங்கள் தேவைகளுக்கு மிகப் பொருத்தமான சேவைகளைத் தேடித்தருவதற்காக.
நாம் வழங்கும் தகவல்கள் இன்றைய தேதிக்கு மிகவும் புதிதாகக் கிடைக்கும்  நிபுணத்துவ ஆய்வுச் சான்றுகளை அடிப்படையாகக் கொண்டவை.

தேடுவது இலகுவானது

1800 My Options இணைத்தளமானது நீங்கள் இயன்றளவு நேரத்தை செலவிட்டு சேவைகளைத் தேட உங்களுக்கு இடமளிக்கும். கருத்தடை மற்றும் கருக்கலைப்புச் சேவை வழங்குனர்கள், நேரடியற்ற கருத்தரிப்பு வழிகள் பற்றிய ஆலோசகர்கள் போன்ற சேவைகள் மற்றும் மருந்தகங்கள் போன்றவற்றை நீங்கள் தேடமுடியும்.