ਕੀ ਤੁਸੀਂ ਗਰਭਨਿਰੋਧ, ਗਰਭ ਅਵਸਥਾ ਦੇ ਵਿਕਲਪਾਂ ਜਾਂ ਜਿਨਸੀ ਸਿਹਤ ਬਾਰੇ ਜਾਣਕਾਰੀ ਦੀ ਖੋਜ ਕਰ ਰਹੇ ਹੋ?

ਅਸੀਂ ਕੌਣ ਹਾਂ

ਅਸੀਂ ਵਿਕਟੋਰੀਆ ਵਿੱਚ ਅਧਾਰਤ ਇੱਕ ਸੁਤੰਤਰ ਫੋਨ ਲਾਈਨ ਅਤੇ ਵੈੱਬਸਾਈਟ ਹਾਂ। ਸਾਡੀ ਮੁਫਤ ਸੇਵਾ ਗੁਪਤ ਹੈ ਅਤੇ ਕਿਸੇ ਬਾਰੇ ਕੋਈ ਨਿਰਣਾ ਨਹੀਂ ਬਣਾਉਂਦੀ ਹੈ। ਸਾਡਾ  ਵਿਸਵਾਸ਼ ਹੈ ਕਿ ਔਰਤਾਂ ਕੋਲ ਇਹ ਚੋਣ ਕਰਨ ਦਾ ਹੱਕ ਹੁੰਦਾ ਹੈ ਕਿ ਕੀ ਉਹ ਗਰਭ ਅਵਸਥਾ ਜਾਰੀ ਰੱਖਣਾ ਚਾਹੁੰਦੀਆਂ ਹਨ ਜਾਂ ਗਰਭਪਾਤ ਕਰਾਉਣਾ।
ਸਾਡੀਆਂ ਸਾਰੀਆਂ ਫੋਨ ਕਾਲਾਂ ਦਾ ਜਵਾਬ ਔਰਤਾਂ ਦਿੰਦੀਆਂ ਹਨ। ਸਾਡੇ ਸਾਰੇ ਦੋਭਾਸ਼ੀਏ ਵੀ ਔਰਤਾਂ ਹਨ। ਬਿਨਤੀ ਕੀਤੇ ਜਾਣ ਉੱਤੇ ਅਸੀਂ ਤੁਹਾਡੇ ਲਈ ਮਹਿਲਾ ਡਾਕਟਰ ਦੀ ਖੋਜ ਕਰਨ ਦੀ ਆਪਣੇ ਵਲੋਂ ਪੂਰੀ ਕੋਸ਼ਿਸ਼ ਕਰਾਂਗੇ।

ਅਸੀਂ ਇਹ ਪ੍ਰਦਾਨ ਕਰਦੇ ਹਾਂ:

• ਗਰਭਨਿਰੋਧ, ਗਰਭ ਅਵਸਥਾ ਦੇ ਵਿਕਲਪਾਂ (ਗਰਭਪਤਾ ਸਮੇਤ) ਅਤੇ ਜਿਨਸੀ ਸਿਹਤ ਬਾਰੇ ਜਾਣਕਾਰੀ
• ਉਨ੍ਹਾਂ ਸੇਵਾਵਾਂ ਬਾਰੇ ਜਾਣਕਾਰੀ ਜਿਨ੍ਹਾਂ ਉੱਤੇ ਤੁਸੀਂ ਜਾ ਸਕਦੇ ਹੋ

ਅਸੀਂ ਮੈਡੀਕਲ, ਕਾਨੂੰਨੀ ਜਾਂ ਮਾਲੀ ਸਲਾਹ ਪ੍ਰਦਾਨ ਨਹੀਂ ਕਰਦੇ ਹਾਂ

ਅਸੀਂ ਕਿਵੇਂ ਮਦਦ ਕਰ ਸਕਦੇ ਹਾਂ

ਸਾਡੇ ਫੋਨ ਕਰਮਚਾਰੀ ਤੁਹਾਡੀਆਂ ਪ੍ਰਜਨਨ ਅਤੇ ਜਿਨਸੀ ਸਿਹਤ ਲੋੜਾਂ ਬਾਰੇ ਤੁਹਾਡੇ ਨਾਲ ਗੱਲਬਾਤ ਕਰ ਸਕਦੇ ਹਨ, ਅਤੇ ਤੁਹਾਡੇ ਲਈ ਮੇਲ ਖਾਉਂਦੀਆਂ ਸੇਵਾਵਾਂ ਦਾ ਪਤਾ ਲਗਾ ਸਕਦੇ ਹਨ।

ਸਾਡੇ ਤੋਂ ਆਮ ਪੁੱਛੇ ਜਾਣ ਵਾਲੇ ਸਵਾਲਾਂ ਵਿੱਚ ਸ਼ਾਮਲ ਹਨ:

• ਮੈਂ ਗਰਭਪਾਤ ਕਿੱਥੋਂ ਕਰਵਾ ਸਕਦੀ ਹਾਂ?
• ਮੈਨੂੰ IUD ਕਿੱਥੋਂ ਮਿਲ ਸਕਦਾ ਹੈ?
• ਕੀ ਮੇਰੇ ਨਜਦੀਕ ਕੋਈ ਜਿਨਸੀ ਸਿਹਤ ਕਲੀਨਿਕ ਹੈ?

ਸਾਡੇ ਕੋਲ ਵਿਕਟੋਰੀਆ ਵਿੱਚ ਜਿਨਸੀ ਅਤੇ ਪ੍ਰਜਨਨ ਸਿਹਤ ਸੇਵਾਵਾਂ ਦਾ ਇੱਕ ਔਨਲਾਇਨ ਡਾਟਾਬੇਸ ਵੀ ਹੈ ਜਿਹੜਾ ਤੁਸੀਂ ਸਾਡੀ ਵੈੱਬਸਾਈਟ ਉੱਤੇ ਸਰਚ ਕਰ ਸਕਦੇ ਹੋ

ਸਾਡੀ ਮਹਾਰਤ

ਅਸੀਂ ਪੂਰੇ ਵਿਕਟੋਰੀਆ ਵਿੱਚ ਸੈਂਕੜੇ ਸੇਵਾਵਾਂ ਨਾਲ ਭਾਈਵਾਲੀ ਵਿੱਚ ਕੰਮ ਕਰਦੇ ਹਾਂ (ਇਨ੍ਹਾਂ ਵਿੱਚ ਜੀ.ਪੀ., ਕਮਯੁਨਿਟੀ ਹੈਲਥ ਸੇਂਟਰ, ਹਸਪਤਾਲ ਅਤੇ ਫਾਰਮੇਸੀਆਂ ਸ਼ਾਮਲ ਹਨ) – ਤਾਂ ਜੋ ਉਨ੍ਹਾਂ ਸੇਵਾਵਾਂ ਦਾ ਪਤਾ ਲਗਾ ਸਕੀਏ ਜੋ ਤੁਹਾਡੀਆਂ ਲੋੜਾਂ ਨਾਲ ਸਭ ਤੋਂ ਵਧੀਆ ਮੇਲ ਖਾਉਂਦੀਆਂ ਹਨ।

ਅਸੀਂ ਜੋ ਜਾਣਕਾਰੀ ਪ੍ਰਦਾਨ ਕਰਦੇ ਹਾਂ ਉਹ ਵਰਤਮਾਨ ਮਾਹਰ ਖੋਜ ਦੇ ਆਧਾਰ ਉੱਤੇ ਸਭ ਤੋਂ ਤਾਜੇ ਪ੍ਰਮਾਣ ‘ਤੇ ਅਧਾਰਤ ਹੈ।

ਖੋਜ ਕਰਨੀ ਆਸਾਨ ਹੈ

1800 My Options ਵੈੱਬਸਾਈਟ ਤੁਹਾਡੇ ਆਪਣੇ ਸਮੇਂ ਵਿੱਚ ਸੇਵਾਵਾਂ ਦਾ ਪਤਾ ਲਗਾਉਣ ਦਿੰਦੀ ਹੈ। ਤੁਸੀਂ ਗਰਭਨਿਰੋਧ ਅਤੇ ਗਰਭਪਾਤ ਪ੍ਰਦਾਤਾਵਾਂ, ਗੈਰ-ਨਿਰਦੇਸ਼ਕ ਗਰਭ ਅਵਸਥਾ ਵਿਕਲਪ ਸਲਾਹਕਾਰਾਂ ਅਤੇ ਫਾਰਮੇਸਿਆਂ ਵਰਗੀਆਂ ਸੇਵਾਵਾਂ ਦੀ ਖੋਜ ਕਰ ਸਕਦੇ ਹਾਂ।